SAI ‘MAESTRO’ BA AN-RASIK

Penulis:

Crisogno Soares Freitas Pereira

Ukuran Buku: 21 x 29 cm

Jumlah Halaman: xvi + 170

Tahun Terbit: Januari 2024

ISBN: 978-623-8029-xx-x

Harga: $12

Livru ne’e presiza atu ita lee. Ida-ne’e nu’udar konvite ida ba ita oinsá sai maestro ba an-rasik iha ita-nia vida kotidiana nu’udar ema bainbain no ema profisionál (manorin). Livru ne’e sei aprezenta hanoin sira oinsá bele ukun ita-nia an konxientemente atu sai maestro loloos ba an rasik molok sai maestro ba ema seluk. 

Loos duni, ukun an ka sai maestro ba an rasik ne’e difísil, maibé kuandu ita koko no kontinua esforsu, sei tulun tebes ita sai maestro di’ak ba ita-nia an. Tanba ne’e, ita presiza reflete no kompriende erru ka sala sira iha ita-nia pasadu hodi koko atu aprende ukun an iha tempu ohin loron ba moris ne’ebé di’ak liu iha futuru. Ne’eduni, livru ne’e ilustra ba ita atu hadomi ita-nia an-rasik ho konxiénsia, katak hatene atu koñese an di’ak liu, liuliu kona-ba ita-nia emosaun no poténsia sira. Hosi ne’e mak husu ita atu brani simu saida de’it mak akontese iha ita-nia moris. Tanba pájina jornada ita ida-idak nian iha ninia ‘laloran’ rasik, maski nune’e, importante ita hatene oinsá ‘responde’ sirkuntánsia moris hotu ne’ebé ita ida-idak hasoru iha moris.

Livru ne’e hanesan luta ida, iha-ne’ebé autór deskreve bazeia ba esperiénsia jerál no privadu, no mós hosi informasaun siénsia koñesimentu sobre ‘sai manorin ba an rasik’. Dala barak, autór konxiente katak, sai maestro ba an-rasik presiza sakrifísiu no fó an duni ho konxiénsia atu aprende oinsá ukun an ho di’ak, nune’e bele ukun ema seluk ho saudável. Ho razaun katak atu domina ema seluk, presiza no tenke domina an. Agora, ita hotu iha prosesu atu sai maestro ba an-rasik, nune’e ita hotu konxiente katak, iha kada pájina ita ida-idak nia moris, husu ita atu luta. Ne’eduni Luta ba! Ida-ne’e nesesidade prinsipál ba ita-nia viajen moris ba moris saudável. Ita presiza konxiente nesesidade ida-ne’e, no treina nia konxientemente ba! Ne’eduni, ho sirkuntánsia moris ne’ebé ita ida-idak hasoru, mai ita maximiza poténsia no pensamentu di’ak sira-ne’ebé ita iha atu haboot ita-nia maturidade konxiénsia ba moris ne’ebé ita simu, atu moris ne’e halo ita saudável. Please remember, ita mak number one halo desizaun ba ita-nia moris atu sai maestro ba an-rasik! Tanba ne’e, LOVE YOURSELF and MASTERING YOURSELF!  Ida-ne’e mak POWER ba moris saudável.

Leave a Comment

Your email address will not be published. Required fields are marked *